Բելառուսը միշտ միավորված է լինելու Ռուսաստանի հետ. Լուկաշենկո
Բելառուսի նախագահ Ալեքսանդր Լուկաշենկոն ասել է, որ իր երկիրը միշտ միավորված է լինելու Ռուսաստանի հետ, և իր ռուս գործընկեր Վլադիմիր Պուտինի հետ քննարկել է Արևմուտքին դիմակայելու տարբեր ուղիներ։
«Նախագահ Պուտինի հետ մենք նախատեսել էինք իրադարձությունների զարգացման և հակազդեցության տարբեր սցենարներ, մենք միշտ միասնական ենք լինելու Ռուսաստանի հետ»,- լրագրողներին ասել է Լուկաշենկոն:
Բելառուսի ղեկավարը նշել է, որ անընդունելի է, «եթե մենք բաց թողնենք և պայքարենք ինչ-որ անցողիկ ժողովրդավարության, ազատության համար, որը գոյություն չունի»։
«Մենք պետք է տեսնենք մեր նպատակը, մեր շահերը, լինենք անկեղծ, վարենք արդարության քաղաքականություն, հետո կլինի մեր ժողովրդի միասնությունը»,- ասաց նախագահը։
