Մենք ընդհանրապես չենք ընդունում նման պահանջները. Պեսկով

ՌԴ նախագահի խոսնակ Դմիտրի Պեսկովն արձագանքել է Նավալնիի մահվան կապակցությամբ անկախ միջազգային հետաքննություն անցկացնելու՝ Ժոզեպ Բորելի կոչին: 

«Մենք ընդհանրապես չենք ընդունում նման պահանջները, հատկապես պարոն Բորելի կողմից»,- ասել է Պեսկովը՝ պատասխանելով հարցին, թե ինչպես է Կրեմլն ընդունում նման պահանջները։

ՌԴ նախագահի խոսնակը նաև ասել է, թե Վլադիմիր Պուտինը չի տեսել Յուլիա Նավալնայայի երեկվա ուղերձը, որը նա հրապարակել էր սոցցանցերում։ Ըստ Պեսկովի՝ այրու մեղադրանքները, թե Նավալնիի մարմինը չեն տալիս թունավորումը թաքցնելու համար, մերկապարանոց են և ոչնչով չեն հիմնավորվում։

Ավելի վաղ Բորելը Ռուսաստանից թույլտվություն էր պահանջել Ալեքսեյ Նավալնիի մահվան վերաբերյալ «անկախ և թափանցիկ միջազգային հետաքննություն» անցկացնելու համար՝ չնայած Մոսկվայի պնդումներին, որ դա Ռուսաստանի ներքին խնդիրն է։