Թրամփի վերջին հայտարարություններից հետո Եվոպայում մտահոգված են

ԱՄՆ-ում նախագահական ընտրապայքարի մեջ մտած Դոնալդ Թրամփի վերջին հայտարարությունները ցնցել են շատերին Եվրոպայում և անհանգստություն առաջացրել եվրոպացի քաղաքական գործիչների մոտ։ Այս մասին գրում է Washington Post-ը։

«ՆԱՏՕ-ի հասցեին Թրամփի քննադատական ​​մեկնաբանությունները նյարդայնացնում են դաշնակիցներին և բորբոքում եվրոպացիների վախերը», - ասվում է հրատարակության մեջ:

Հրատարակությունը գրում է ԵՄ որոշ քաղաքական գործիչներ ասել են, որ Սպիտակ տան նախկին ղեկավարի հռետորաբանությունը վտանգ է ներկայացնում մայրցամաքի անվտանգության համար և նշել, որ սա ևս մեկ հիշեցում է Վաշինգտոնի վրա ավելի քիչ հույս դնելու անհրաժեշտության մասին։

Հիշեցնենք՝ ավելի վաղ հայտնել էինք, որ անցած հանգստյան օրերին Դոնալդ Թրամփը նախընտրական հանդիպումներից մեկում ասել է, թե չի պաշտպանի ՆԱՏՕ-ի անդամ երկրներին, ավելին՝ Ռուսաստանին կխրախուսի հարձակվել նրանց վրա, եթե նրանք չկատարեն դաշինքի հանդեպ իրենց ֆինանսական պարտավորությունները։