Բայդենը Ռուսաստանի և ՆԱՏՕ-ի մասին Թրամփի հայտարարությունը «սարսափելի և վտանգավոր» է անվանել

ԱՄՆ նախագահ Ջո Բայդենը, Եվրոպական խորհրդի ղեկավարը, ՆԱՏՕ-ի գլխավոր քարտուղարը և ԵՄ պաշտոնյաները քննադատել են ԱՄՆ նախկին նախագահ Դոնալդ Թրամփի հայտարարությունը Ռուսաստանի և ՆԱՏՕ-ի մասին։

Բայդենը ԱՄՆ նախկին նախագահ Դոնալդ Թրամփին հայտարարությունն անվանել է «սարսափելի և վտանգավոր»։

«Բայդենի վարչակազմի ղեկավարությամբ Միացյալ Նահանգները ուս ուսի տված է եղել մեր դաշնակիցների հետ՝ կառուցելու ՆԱՏՕ-ի դաշինքը, որն ավելի մեծ է և ուժեղ, քան երբևէ՝ պաշտպանելով ժողովրդավարությունը Վլադիմիր Պուտինի ավտորիտար ագրեսիայից», - հայտարարել է ԱՄՆ նախագահը։

Վերջինս նշել է․ «Եթե իմ հակառակորդը՝ Դոնալդ Թրամփը, կարողանա վերականգնել սեփական իշխանությունը, ապա նա արդեն հասկացրել է, որ կհրաժարվի ՆԱՏՕ-ի մեր դաշնակիցներից և թույլ կտա Ռուսաստանին անել այն, ինչ ցանկանում է նրանց հետ»։

Հիեցնենք՝ նախընտրական հանրահավաքի ժամանակ Թրամփը հայտարարել է, որ չի պաշտպանի ՆԱՏՕ-ի այն երկրներին, որոնք չեն կատարում դաշինքի հանդեպ իրենց ֆինանսական պարտավորությունները և կխրախուսի ՌԴ-ին նրանց վրա հարձակվելու դեպքում: