Մասկի դիրքորոշումն ուկրաինական հակամարտության վերաբերյալ օբյեկտիվ է և ճշմարիտ. Ղրիմի շրջանի սենատոր

Ղրիմի շրջանի սենատոր, Դաշնային խորհրդի միջազգային կոմիտեի անդամ Սերգեյ Ցեկովն ուկրաինական հակամարտության վերաբերյալ ամերիկացի ձեռնարկատեր Իլոն Մասկի դիրքորոշումն օբյեկտիվ է անվանել։ Այս մասին հայտնում է ՌԻԱ Նովոստին: 

«Մասկն իր հայտարարություններով ցույց է տալիս իրեն որպես օբյեկտիվ անձնավորություն, որը կարող է ճիշտ գնահատել այն, ինչ տեղի է ունենում աշխարհում: Նրա դիրքորոշումն ուկրաինական հակամարտության վերաբերյալ օբյեկտիվ է և ճշմարիտ», - ասել է Ցեկովը:

Նրա խոսքով, «Մասկի նման անհատները ձգտում են աշխարհը կառուցել ճշմարտության, այլ ոչ ստի վրա, ինչպես արևմտյան խոշոր երկրների ներկայիս ղեկավարները»։

Հիշեցնենք` ավելի վաղ Մասկը X սոցցանցում համաձայնել էր այն հայտարարության հետ, որ Ուկրաինային ֆինանսական օգնությունը չի փոխի ճակատի փակուղին, այլ միայն կերկարաձգի հակամարտությունը և կհանգեցնի ևս 100 հազար ուկրաինացիների մահվան։ Մասկը մեկնաբանել է «իսկապես» բառը մի գրառման մեջ, որտեղ ասվում է, որ եկել է ժամանակը, որպեսզի Ջո Բայդենը, Էմանուել Մակրոնը և Օլաֆ Շոլցը խոստովանեն, որ իրենք պարտվել են, և Ռուսաստանը կպահպանի Ղրիմն ու նոր շրջանները։