Նեթանյահուն պնդում է ռազմական լուծում՝ փորձելով փրկել իր քաղաքական կարիերան. Իրանի ԱԳ նախարար
Գազայի հատվածում իրավիճակի զարգացումն ընթանում է հակամարտությունը քաղաքական ճանապարհով լուծելու ուղղությամբ, սակայն դրան խոչընդոտում է Իսրայելի վարչապետ Բենյամին Նեթանյահուն: Այս մասին Բեյրութում կայացած մամուլի ասուլիսի ժամանակ հայտարարել Է Իրանի արտաքին գործերի նախարար Հոսեյն Ամիր Աբդոլլահիյանը, ով աշխատանքային այցով գտնվում է Լիբանանում։ Տեղեկատվությունը փոխանցում է ՏԱՍՍ-ը:
«Գազայի իրադարձություններն այժմ շարժվում են կարգավորման ուղիների որոնման ուղղությամբ, սակայն Իսրայելի վարչապետ Բենյամին Նեթանյահուն նախկինի պես պնդում է ռազմական լուծում՝ փորձելով փրկել իր քաղաքական կարիերան», - ընդգծել է նա: Ընդ որում, Իրանի ԱԳ նախարարը դատապարտել է ԱՄՆ-ին, որը հայտարարում է հակամարտությունը դադարեցնելու ձգտման մասին, իսկ գործնականում շարունակում է ռազմական աջակցություն ցուցաբերել իսրայելական բանակին:
Անդրադառնալով քաղաքական որոշմանը՝ Աբդոլլահիյանը նշել է, որ պաղեստինցիները հետպատերազմյան շրջանի համար ծրագրեր ու նախաձեռնություններ ունեն:
«Նրանք՝ պաղեստինցիները, Պաղեստինի իրական տերն են և պետք է ինքնուրույն որոշումներ կայացնեն իրենց ապագայի վերաբերյալ», - հավելել է նա:
