ՏԵՍԱՆՅՈՒԹ․ Այո՛, թանկանալու է, բայց ոչ այնքան ինչքան նշվում է․ փոխքաղաքապետ

Դուք երևի լավ չեք ընկալել իր գրառման ընդհանուր իմաստը։ Այս մասին լրագրողների հետ հանդիպմանն ասաց քաղաքապետի տեղակալ Սուրեն Գրիգորյանը՝ անդրադառնալով  «Քաղաքացիական պայմանագիր» խմբակցության ղեկավար Արմեն Գալջյանի հայտարարությանը։ 

«Պարոն Գալկջյանի գրառումը ոչ թե ուղղված էր նրան, որ սակագինը հիմա 100 դրամ է և մնում է 100դրամ, այլ նրան, որ ավագանու մեր որոշ գործընկերների հրապարակած թվերը սուտ են, մալիպուլյատիվ և իրականության հետ կապ չունեն։ Այսինքն թանկանում է, բայց այդքան չի թանկանում, ինչքան հրապարակված էր, ինչը չի նշանակում, որ առհասարակ չի թանկանում»,- ասաց Գրիգորյանը։ 

Քաղաքապետի տեղակալը նշեց․ «Այո՛, թանկանալու է, բայց ոչ այնքան ինչքան նշվում է։ Այսինքն, երբ որ մարդը ասում է, որ թանկանալու է դժվար է իրեն մեղադրել, որ նա խուսափում է ասել, որ թանկանում է»։ 

Լրագրողի դիտարկմանը, որ երեկվանից նման հայտարարություններ են հնչում, նա նշեց․ «Հայատարարել են ասել են, որ 260 դրամ է ասել ենք, որ այդ թիվը սուտ է և նորից ասում ենք, որ սուտ է։ Բայց կարող է այդ թիվը համ սուտ լինի, համ ասենք, որ իրոք թանկանում է ուղղակի ոչ այդքան»։