ՏԵՍԱՆՅՈՒԹ. «Հայտնի ֆրանսիական երգ կար, հիշո՞ւմ եք․ մի անգամ լինքը ուղարկել եմ». Փաշինյան
Վարչապետ Նիկոլ Փաշինյանը կառավարության անդամներին խորհուրդ-հանձնարարական է տվել՝ շեշտելով, որ անում է սեփական օրինակով. «Պետք է չվստահենք այն զեկույցներին, որ գալիս, հասնում են մեզ։ Որովհետև հիմա դուք ինձ եք զեկուցում, ձեզ էլ ուրիշներն են զեկուցում, երևի նրանց էլ ուրիշներն էլ զեկուցում...Կարևոր նախագծերը պետք է գնանք, ինքներս անձամբ փոխանցենք»,- ասել է նա։
Ըստ վարչապետի՝ եթե այդպես չարվի, ոչինչ չի ստացվի. «Սա վերաբերում է դահլիճում նստած բոլոր մարդկանց, որովհետև զեկուցելիս «ամեն ինչ լավ ա»։ Հիմնականում զեկույցները գալիս են, որ... էդ ամեն «շատ վատ»-ը զեկույցից առաջ իմանում ենք։ Գոնե նախապես զեկուցեն, որ սենց ռիսկ կա, ինչ-որ ժամանակ հետո շատ վատ է լինելու։ Բացում, լուրերով իմանում ենք, որ շատ վատ է, հետո դրանից հետո շատ օպերատիվ ու համապարփակ զեկուցում են, որ ամեն ինչ վատ է, և այլևս ոչ մի բան փոխել հնարավոր չէ։ Էն երգի տրամաբանությամբ։ Հիշո՞ւմ եք՝ մի անգամ մեր մի շարք գործընկերների լինքն ուղարկել եմ․ հայտնի երգ կար՝ ֆրանսիական»,- ասել է նա։
