ՏԵՍԱՆՅՈՒԹ. «Հարց կդառնա՝ այդքան փողը ինչու ենք լցրել հողերի, ջրերի, շենքերի մեջ». Փաշինյան

ՀՀ վարչապետ Նիկոլ Փաշինյանը կառավարության նիստում անդրադարձել է սուբվենցիոն ծրագրերի որակի խնդիրներին։

Նա շեշտել է, որ մեծ գումարներ են ծախսվում. «Եթե հանկարծ պարզվի՝ արվող աշխատանքների որակի հետ պրոբլեմ կա, շատ մեծ պրոբլեմ կդառնա, շատ մեծ պրոբլեմ»,- ասել է նա՝ հավելելով,- «Էն, որ ես որակ եմ ասում, նկատի չունեմ էն որակը որ աշխարհում ընդհանրապես կա։ Ես նկատի ունեմ էն որակը, որ օբյեկտիվորեն մեզ կարող է հասանելի լինել, և մենք ունենք պրոբլեմներ։ Դա անզեն աչքով նկատելի է»։

Վարչապետն ակնկալիք է հայտնել, որ պետք է 0 կոմպրոմիս լինի իրենց առաջադրած ոչ բարձր ստանդարտների հարաբերությամբ։ «Հակառակ դեպքում լուրջ խնդիր կդառնա, հարց կդառնա՝ այդքան փողը ինչու ենք լցրել հողերի մեջ, ջրերի մեջ, շենքերի մեջ, գույքի մեջ ու, ընդհանրապես»,- նշել է նա։

Վարչապետը շեշտել է, որ գնումների մասին օրենքի լավարկումների մասին շատ է խոսվում. «Բայց, ոնց որ թե, էդքան շատ չենք լավարկում»։