ԱՄՆ-ն և Մեծ Բրիտանիան հարվածներ են հասցրել հութիների դիրքերին
ԱՄՆ-ի և Մեծ Բրիտանիայի զինվորականները նոր հարված են հասցրել Եմենում հութի ապստամբների «Անսար Ալլահ» շարժման դիրքերին։ Այս մասին հայտնում է տեղական Al Masirah հեռուստաալիքը։
«Ամերիկա-բրիտանական ագրեսիան ուղղված է Սաադա քաղաքի դեմ»,- ասվում է նյութում։
Բնակավայրը գտնվում է Եմենի հյուսիսարևմտյան մասում, որտեղ ապրում է մոտ 70 հազար մարդ։
Որոշ ժամանակ առաջ ԱՄՆ-ի և Մեծ Բրիտանիայի զինուժը հարվածներ է հասցրել Եմենում «Անսար Ալլահ» շարժման մի քանի թիրախներին։
Ռուսաստանի արտգործնախարար Սերգեյ Լավրովն իր հերթին Եմենին ԱՄՆ-ի և Մեծ Բրիտանիայի հարվածներն անօրինություն է անվանել։
