ՏԵՍԱՆՅՈՒԹ․ Մեքենան բախվել է Սպիտակ տան ցանկապատին․ վարորդը ձերբակալվել է
Վաշինգտոնում ավտոմեքենան բախվել է Սպիտակ տան ցանկապատին։ Միջադեպը տեղի է ունեցել նախօրեին ժամը 18:00-ի սահմաններում։ Այս մասին X սոցիալական ցանցում հայտնել է ԱՄՆ Գաղտնի ծառայության պաշտոնական ներկայացուցիչ Էնթոնի Գուլիելմին:
«Մեքենան բախվել Է Սպիտակ տան շենքերի համալիրի արտաքին դարպասներին։ Դեպքի վայրում աշխատում են ոստիկաններ, հրշեջներ և բժիշկներ»,- մանրամասնել է նա:
Միջադեպի պատճառով փակվել են Սպիտակ տան մոտ գտնվող մի քանի փողոցներ։ Վարորդին ձերբակալել են, դրդապատճառները դեռ հայտնի չեն։
NBC հեռուստաալիքի տվյալներով՝ ավտոմեքենայի ներսում որևէ կասկածելի առարկա չեն գտել։ Տուժածների մասին տեղեկություններ չկան։
