ԱՄՆ-ն առաջին անգամ նախատեսում է կիրառել մահապատժի մեթոդը, որը ՄԱԿ-ն անվանել է «անմարդկային»
ԱՄՆ-ն առաջին անգամ նախատեսում է մահապատիժ իրականացնել՝ օգտագործելով ազոտային գազ, հայտնում է «Ամերիկայի ձայնը»։
Առաջին բանտարկյալը, որին մահապատժի են ենթարկել ազոտային գազով, կլինի 58-ամյա Քենեթ Սմիթը։ Նա դատապարտվել է 1988 թվականին կատարված պատվերով սպանության համար, գրում է Reuters-ը։ Մահապատիժը նախատեսվում է իրականացնել 2024 թվականի հունվարի 25-ին Ալաբամա նահանգի քրեակատարողական հիմնարկում։ Բանտարկյալի դեմքին կտեղադրվի գազի բալոնին ամրացված դիմակ։
ՄԱԿ-ի փորձագետները կոչ են անում ԱՄՆ իշխանություններին չօգտագործել ազոտային գազ, քանի որ մահապատժի այս մեթոդը բանտարկյալին կենթարկի «դաժան, անմարդկային կամ նվաստացուցիչ վերաբերմունքի կամ նույնիսկ խոշտանգումների»: Հայտարարության մեջ ՄԱԿ-ի չորս հատուկ զեկուցողներ ասել են, որ մահապատիժների այս տեսակը հակասում է Խոշտանգումների և այլ դաժան, անմարդկային կամ նվաստացնող վերաբերմունքի կամ պատժի դեմ միջազգային կոնվենցիային:
