Տիգրան Արզաքանցյանը պարզաբանել է «Զվարթնոց» օդանավակայանում իր ձերբակալությունը
«Ուժը Հայրենյաց» կուսակցության նախագահ Տիգրան Արզաքանցյանը ֆեյսբուքյան իր էջում անդրադարձել է «Զվարթնոց» օդանավակայանում իր ձերբակալման դեպքին:
«Շատերին դեռ մտահոգում է «Զվարթնոց» օդանավակայանում տեղի ունեցած միջադեպը։ Ես ճամփորդության էի մեկնում և ինձ հետ վերցրել էի օրինական ճանապարհով ձեռք բերված զենք, բայց ուղեբեռի հետ շփոթմունք էր եղել, որի պատճառով համապատասխան փաստաթղթերը կարողացա տրամադրել երեք ժամ ուշացումով»,– գրել է քաղաքական գործիչը։
Նա նաև հավելել է որ ամեն ինչ կարգավորվել է, և ինքն այժմ իր ընտանիքի հետ միասին գտնվում է ԱՄԷ–ում: Իր խոսքով՝ իրավական հարցերն ամբողջությամբ լուծվել են։
Նշենք, որ Արզաքանցյանը ձերբակալվել էր 2023 թվականի դեկտեմբեի 29-ին: Նրա ձեռքի պայուսակում անհայտ տիպի հրազենի 16 փամփուշտ էր հայտնաբերվել։
