ԼՈՒՍԱՆԿԱՐՆԵՐ. Հարյուրավոր սպանված, խեղված և անհետ կորած մարդիկ, կես միլիոն փախստական. ՀՀ ԱԳՆ–ն՝ Բաքվում հայերի ջարդերի մասին
Բաքվում հայերի ջարդերը Ադրբեջանական ԽՍՀ-ից հայ բնակչության բռնի տեղահանման և էթնիկ զտման քաղաքականության գագաթնակետն էին: Այս մասին ասվում է ՀՀ ԱԳՆ–ի տարածած հայտարարության մեջ։
«34 տարի առաջ այս օրերին Բաքվում հայերի ջարդերը դարձան Ադրբեջանական ԽՍՀ-ից հայ բնակչության բռնի տեղահանման և էթնիկ զտման քաղաքականության գագաթնակետը: Հարյուրավոր մարդիկ սպանվեցին, խեղվեցին և անհետ կորան, կես միլիոնը փախստական դարձան»,– ասված է հայտարարությունում։
ՀՀ ԱԳՆ–ն հարգանքի տուրք է մատուցել անմեղ զոհերի հիշատակին և ընդգծել նման քաղաքականությունը կանխելու անհրաժեշտությունը:
