Իրանում սուգ է հայտարարվել

Իրանում հինգշաբթի օրը ՝ հունվարի 4-ը, սգո օր է լինելու։ Այս մասին հայտարարել է Իրանի նախագահ Էբրահիմ Ռաիսին:

Հիշեցնենք, որ այսօր Իրանում պայթյուններ էին որոտացել, որոնց հետևանքով կան մեծաթիվ զոհեր և վիրավորներ: Մի քանի պայթյուն էր որոտացել Քերմանի գերեզմանատանը։ Այդ ժամանակ այնտեղ ընթանում էր Ղասեմ Սոլեյմանիի հիշատակի արարողություն՝ նա սպանվել է 2020 թվականի հունվարի 3-ին Բաղդադի օդանավակայանի մոտ ԱՄՆ ռազմաօդային ուժերի հրթիռային հարվածի արդյունքում։ Tasnim գործակալությունը գրում է, որ գերեզմանատան մուտքի մոտ եղել է երկու փաթեթ՝ ռումբերով, որոնք կարող էին պայթեցնել հեռահար։

Վերջին տվյալներով՝ պայթյունների հետեւանքով զոհվածների թիվը հասել է 200-ի։ Երկրի իշխանությունները կատարվածը համարում են ահաբեկչություն։ Այս պահին ոչ մի ահաբեկչական խմբավորում չի ստանձնել պայթյունների պատասխանատվությունը։