ՏԵՍԱՆՅՈՒԹ․ Ավստրալիայում հզոր փոթորկի հետևանքով մարդիկ են մահացել
Ավստրալիայում հզոր փոթորկի հետևանքով առնվազն ինը մարդ է զոհվել։ Այս մասին տեղեկանում ենք ՏԱՍՍ-ից։
Նշվում է, որ աղետի զոհերի թվում է 46-ամյա մի կին է, որին ջրի առվակը տարել է կոյուղու մեջ։ Եվս երեք մարդ զոհվել է զբոսանավի վթարի հետևանքով։ Բրիսբեն նահանգի մայրաքաղաքի մոտ շրջվել է զվարճանքների նավը, որում եղել է 11 մարդ։ Տեղի ոստիկանությունը նշել է, որ ութ հոգու հաջողվել է դուրս բերել ջրից, իսկ երեքի մարմինները հայտնաբերվել են ավելի ուշ։
Հաղորդվում է նաև զոհերի մասին հարավային Վիկտորիա նահանգում, որտեղ մի տղամարդ մահացել է ընկած ծառի հետևանքով, իսկ մի կին մահացել է Բական քաղաքի մոտ գտնվող ճամբարում ջրհեղեղի հետևանքով:
Երեքշաբթի գիշերը Քվինսլենդ նահանգում ուժեղ փոթորիկ է տեղի ունեցել, որն ուղեկցվել է կարկտով և անձրևով։ Ջրհեղեղ է գրանցվել նաև Վիկտորիայում: Քամու պոռթկումները, Ավստրալիայի օդերևութաբանության բյուրոյի տվյալների համաձայն, հասել են գրեթե 30 մ/վ արագության։
