Այրվել է ֆրանսիական բասկետբոլային ակումբի մարզադահլիճը
Բասկետբոլի Ֆրանսիայի բարձրագույն դիվիզիոնը ներկայացնող «Գրավլին Դյունկերկ» ակումբը մնացել է առանց տնային մարզահամալիրի:
Ակումբի մամուլի ծառայությունն արտակարգ իրավիճակի մասին հաղորդագրություն է տարածել՝ հայտնելով.
«Հրշեջներն անում են ամեն ինչ՝ մարելու այն սարսափելի հրդեհը, որը ոչնչացնում է «Սպորտիկան»»:
L’Equipe-ը հաղորդում է, որ հրդեհի հետևանքով զոհեր չկան: Ակումբը ստիպված կլինի ժամանակավորապես հանգրվանել այլ վայրում:
