ՏԵՍԱՆՅՈՒԹ․ Կրակոցի ձայներ՝ Բանգլադեշում․ ոստիկանությունը պարզաբանում է
Auroranews-ը քաղաքացիներից ահազանգ է ստացել, որ Մալաթիա-Սեբաստիա շրջանի Բանգլադեշ Բ-3 թաղամասում կրակոցների ձայներ են լսվում։
Տեղեկությունը ճշտելու համար կապ հաստատեցինք Մալաթիա Սեբաստիա վարչական շրջան, որտեղից մեզ հետ զրույցում ասացին, որ դեպքը տեղի է ունեցել, սակայն մանրամասների չեն տիրապետում։ Նշեցին նաև, որ ոստիկանությունը տեղյակ է։
Auroranews-ը զանգահարեց նաև ոստիկանություն։
«Մանուկյան 34 հասցեում ուսումնական զորավարժություն է անցկացվում։ Ոստիկանությունը տեղյակ է։ Անհանգստանալու որևէ պատճառ չկա»,-ասացին գերատեսչությունից։
