ՏԵՍԱՆՅՈՒԹ․ Ադրբեջանի հերթական շոուն՝ օկուպացված Ստեփանակերտի ֆուտբոլի խաղադաշտում
Օկուպացված Արցախում Ստեփանակերտի ֆուտբոլի խաղադաշտում տեղի է ունեցել ադրբեջանական ֆուտբոլային ակումբների հանդիպումը։ Ադրբեջանի նախագահ Իլհամ Ալիևը անձամբ է տվել խաղի մեկնարկը:
Ալիևը նաև ելույթ է ունեցել Ադրբեջանի ֆուտբոլի գավաթի խաղարկության 1/8 եզրափակչի «Ղարաբաղ»- MOİK խաղից առաջ։
Նշենք, որ ավելի վաղ Ադրբեջանը մարզադաշտից հեռացրել էր Արցախի դրոշի գույներով աթոռները՝ դրանք փոխարինելով ադրբեջանականով:
Հիշեցնենք, որ վերջերս օկուպացված Ստեփանակերտ մեկնող ավտոբուսը վթարի է ենթարկվել, զոհերի թվում եղել է Ադրբեջանի պրոֆեսիոնալ ֆուտբոլային լիգայի նախագահ Էլխան Սամեդովը, ինչպես նաև փոխնախագահ Ասլան Շախգյալդիևը: Ադրբեջանական լրատվամիջոցները հայտնում էին, որ Եվլախ-Աղդամ-Լաչին ճանապարհահատվածում Ստեփանակերտի ուղղությամբ շարժվող Mercedes Vito մակնիշի ավտոմեքենան կորցրել է կառավարումը և բախվել ճանապարհային նշանին։
