
Հայտնի է` ինչ են քննարկել Արարատ Միրզոյանն ու ՀԱՊԿ գլխավոր քարտուղարը

ՀՀ արտգործնախարար Արարատ Միրզոյանն ու Հավաքական անվտանգության մասին պայմանագրի կազմակերպության գլխավոր քարտուղար Իմանգալի Տասմագամբետովը ՀԱՊԿ գործունեությանն առնչվող հարցեր են քննարկել։ Այս մասին հայտնում է ՀՀ ԱԳՆ մամուլի ծառայությունը։
«ՀԱՊԿ գլխավոր քարտուղարը ՀՀ ԱԳ նախարարին տեղեկացրել է 2023թ. նոյեմբերին Մինսկում կայացած ՀԱՊԿ հավաքական անվտանգության խորհրդի նստաշրջանի և ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստի արդյունքների մասին»,– նշված է հաղորդագրությունում։
Զրուցակիցները մտքեր են փոխանակել տարածաշրջանում ստեղծված իրավիճակի, տրանսպորտային և տնտեսական փոխկապակցվածության զարգացմանն ուղղված նախագծերի, այդ թվում՝ ՀՀ կառավարության կողմից մշակված «Խաղաղության խաչմերուկ» հայեցակարգի վերաբերյալ: