ՏԵՍԱՆՅՈՒԹ․ Պայթյուն՝ Թուրքիայում․ մարդկանց շտապ տարհանել են

Թուրքիայի արևելքում՝ Կարս քաղաքի (պատմական հայկական քաղաք Արևմտյան Հայաստանում) հինգհարկանի բնակելի շենքում պայթյուն է տեղի ունեցել, որից հետո հրդեհ է բռնկվել։ 

Տեղի լրատվամիջոցների փոխանցմամբ՝ մարդկանց շտապ տարհանել են։

«Կարսի կենտրոնում գտնվող Շեհիտլեր թաղամասի 5-հարկանի շենքում պայթյունի մասին ահազանգից հետո դեպքի վայր են ուղարկվել բժիշկների, հրշեջների, ոստիկանության և որոնողափրկարարական ծառայությունների խմբեր», - գրւմ են լրատվամիջոցները։ 

Հաղորդվում է, որ միջադեպի հետևանքով փլուզվել են երրորդ հարկի բնակարանի պատերը, որտեղ ենթադրաբար տեղի է ունեցել պայթյունը։

Տուժածների մասին տեղեկություն չկա։