Նոր մանրամասներ` Իջևանում տեղի ունեցած խոշոր վթարից
Ինչպես ավելի վաղ հայտնել էինք, այսօր՝ դեկտեմբերի 17-ին, խոշոր ավտովթար է տեղի ունեցել Տավուշի մարզում: Ժամը 12:00-ի սահմաններում Իջևան-Սևան-Երևան ավտաճանապարհի 130-րդ կմ հատվածում՝ Իջևանի վարչական տարածքում, բախվել են Իջևան-Դիլիջան երթուղին սպասարկող մարդատար ГАЗель-ն ու ՎԱԶ 2106 մակնիշի ավտոմեքենաները:
Վթարի հետևանքով 15 հոգի մարմնական վնասվածքներով տեղափոխվել էին «Իջևան» բժշկական կենտրոն:
Auroranews-ին Իջևանի բժշկական կենտրոնից հայտնեցին, որ վիրավորները հետազոտվում են, ծանր, ծայրահեղ ծանր վիճակով վիրավորներ չկան, ոչ մեկի կյանքին վտանգ չի սպառնում. «լուրջ վնասվածքներով անձինք չկան»,-ասացին ԲԿ-ից:
