Արդարադատության նախարար է նշանակել մարդու, ով բանտում է եղել ապացույցները թաքցնելու համար․ Արգենտինայի նախագահի «տարօրինակ» հրամանները

Արգենտինայի նորընտիր նախագահն իր առաջին հրամանագրով կրճատել է երկրում նախարարությունների թիվը` դրանք 20-ից դարձնելով 9։ Այս մասին հաղորդում են արգենտինական ԶԼՄ–ները։

Խավիեր Միլեյը թողել է միայն ներքին գործերի, արտաքին գործերի, աիջազգային առևտրի, աաշտպանության, էկոնոմիկայի, ենթակառուցվածքների, արդարադատության, անվտանգության, ինչպես նաև առողջապահության և մարդկային կապիտալի նախարարությունները։

Միլեյը ևս մի քանի հետաքրքրքրաշարժ հրամանագրեր է ստորագրել:

Նրա խնդրանքով՝ նախագահական մահակին, որով նա ստանձնել է Արգենտինայի ղեկավարի պաշտոնը, պատկերվել են նրա հինգ շների գլուխները, ի դեպ, շներից չորսը կլոններ են: 

Կառավարության նախարարները առաջին անգամ երդվել են գաղտնի, առանց մամուլի և հեռարձակման։

Երկրի արդարադատության նորանշանակ նախարարը մեկ ամիս բանտում է անցկացրել ապացույցները թաքցնելու համար, անվտանգության նախարարությունը գլխավորել է քաղաքական գործիչը, որը չի կարողացել անցնել ընտրությունների երկրորդ փուլ, իսկ արտաքին գործերի նոր նախարար Է դարձել տնտեսագետը, որը դիվանագիտական փորձ չունի։

Մարդկային կապիտալի (կրթություն, մշակույթ, սոցիալական քաղաքականություն) նախարարությունը կղեկավարի լրագրող, որը չունի կառավարչի փորձ։

Միլեյը քրոջը նշանակել է իր քարտուղարության ղեկավար։