Օ՛Բրայենը մեկնաբանել է Բաքվում Ալիևի հետ առաջին հանդիպումը
Ադրբեջանի նախագահ Իլհամ Ալիևի հետ առաջին հանդիպումը, որի ժամանակ քննարկվել է ԱՄՆ-Ադրբեջան հարաբերությունների ապագան, անցել է կառուցողական ոգով։ Այս մասին X սոցցանցի իր միկրոբլոգում գրել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը։
«Հարավային Կովկասի տարածաշրջանում ամուր և կայուն խաղաղության հաստատումը պատմական հնարավորություններ կբացի»,- գրել է Օ՛Բրայենը։
Հավելենք, որ ավելի վաղ Ջեյմս Օ՛Բրայենը Սենատում Լեռնային Ղարաբաղի ապագային նվիրված լսումներում հայտարարել էր, որ սեպտեմբերի 19-ի ագրեսիայից հետո Բաքվի հետ հարաբերությունները չեն լինի նախկինի պես, քանի դեռ Ադրբեջանն առաջընթաց չի գրանցել Հայաստանի հետ խաղաղության բանակցություններում։
