«Կարծես թե փոխադարձ ընկալում կա»․ Գրիգորյանը՝ սահմանազատման գործընթացի մասին
Կարծես թե փոխադարձ ընկալում կա, որ Ադրբեջանի հետ դելիմիտացիայի գործընթացն իրականացվելու է բացառապես իրավական նշանակություն ունեցող փաստաթղթերի հիման վրա: Այս մասին Ազգային ժողովում հայտարարեց ՀՀ փոխվարչապետ Մհեր Գրիգորյանը։
«Աշխատելու ենք քարտեզներով, որոնք ոչ թե նկարներ են կամ քարտեզի տիպի սխեմաներ, այլ իրական տոպոգրաֆիկ քարտեզներ են։ Օրինակ՝ 1975թ․ քարտեզը 1974-79թթ․ մասնագիտորեն կազմված և տպագրված, 22 կտորից բաղկացած ֆրագմենտներ է»,-ասաց փոխվարչապետը։
Մհեր Գրիգորյանը նաև նշեց, որ կողմերը միատեսակ են ընկալում սահմանազատման գործընթացը և աշխատանքի ձևը։
«Այս անգամ ադրբեջանական կողմի հետ պայմանավորվել ենք հաստատել աշխատակարգ, որը կնկարագրի մեր աշխատանքների ինստիտուցիոնալ ընթացքը»,-ասաց Գրիգորյանը։
