Ճնշումներ՝ Զելենսկու վրա․ ինչ են ստիպելու բրիտանացի դիվանագետները
Բրիտանացի դիվանագետները պատրաստվում են ստիպել Ուկրաինային բանակցություններ վարել Ռուսաստանի հետ՝ հակամարտությունը դադարեցնելու համար: Այս մասին գրում է Daily Express-ը:
«Ուկրաինայի հիմնական հակահարձակումը չի ունեցել այն հաջողությունը, որն ակնկալվում էր և այն կասկածի տակ է դնում երկրի կարողությունը՝ այս պատերազմում հաղթելու: Դիվանագիտական շրջանակներում խոսվում է բանակցությունների սեղանի շուրջ Կիևի վրա ճնշում գործադրելու մասին»,- ասվում է հոդվածում:
Այսօր ավելի ու ավելի է մեծանում ճնշումը Ուկրաինայի նախագահ Վլադիմիր Զելենսկու վրա։
Նշվում է, որ ոչ միայն Արևմուտքում են դժգոհ Ուկրաինայի զինված ուժերի անհաջողություններից, այլև երկրի ներսում Ուկրաինայի առաջնորդը այսպես ասենք քննադատության տարափի տակ է:
