ԼՈՒՍԱՆԿԱՐՆԵՐ. Հովազը հարձակվել է տիրոջ վրա ու փախել. ՌԴ
Գիշերը ՌԴ-ի Նեզլոբնայա գյուղի փրկարար ծառայությունն ահազանգ է ստացել՝ հովազը փախել է տնից ու անհետացել անհայտ ուղղությամբ։ Հայտնում են տեղի լարտվամիջոցները
Դեպքի վայր ժամանած Արտակարգ իրավիճակների նախարարությունն ու ոստիկանները շրջափակել են նախատեսվող որոնողական տարածքը և սկսել բնակչությանն ահազանգել, որ գիշատիչը շրջում է տարածքում։ Մի քանի ժամ անց կենդանուն գտել են հարևան տարածքում գտնվող ծառի վրա, նրան կրակել են, որպեսզի վտանգ չներկայացնի տեղի բնակիչների համար։
Վտանգավոր ընտանի կենդանու տերը՝ 47-ամյա Դմիտրի Բ.-ն, հրաժարվել է հոսպիտալացումից։ Սակայն շտապօգնության բրիգադը պարզել է, որ տղամարդը գլխի և ականջի կտրվածքներ ունի գիշատիչի հարձակման հետևանքով: Մուրկա անունով պարսկական հովազը յոթ տարեկան էր։ Կենդանուն նվիրել են տղամարդուն՝ նրա ծննդյան օրվա առթիվ։ Ընդհանուր առմամբ որոնողական աշխատանքներին մասնակցել է 57 մարդ։
