ՄԻՊ-ն անդրադարձել է օտարերկրացի տղամարդու` զինվորական բաճկոնը հանելու տեսանյութին

Մարդու իրավունքների պաշտպանի հանձնարարությամբ աշխատակազմն ուսումնասիրում է համացանցում լայն տարածում գտած տեսանյութը, որում անհայտ անձն արժանապատվությունը նվաստացնող խոսքերով օտարերկրացի տղամարդուն ստիպում է հանել զինվորական բաճկոնը: Այս մասին հայտնել են ՀՀ մարդու իրավունքների պաշտպանի աշխատակազմի մամուլի ծառայությունից։

Պաշտպանն ընդգծում է՝ անհրաժեշտ է, որ միջադեպի բոլոր հանգամանքները դառնան պատշաճ քննության առարկա։ Պարզաբանումներ ստանալու նպատակով տեսանյութը համապատասպան գրությամբ ուղարկվելու է պետական իրավասու մարմին: