Ո՞ր դեպքում Պուտինը խաղաղության կգնա

Պուտինը Ուկրաինայի հետ խաղաղության չի գնա մինչև 2024 թվականի նոյեմբերին ԱՄՆ նախագահի ընտրությունները։ Այս մասին հայտարարել է ԱՄՆ պետքարտուղարության բարձրաստիճան ներկայացուցիչը, որը Բրյուսելում ՆԱՏՕ-ի երկրների արտգործնախարարների հանդիպումից հետո ելույթ է ունեցել լրագրողների առջև:

Պաշտոնյան խոսել է անանունության պայմանով, նրա խոսքերը մեջբերում Է Reuters գործակալությունը ։

«Ես ակնկալում եմ, որ Պուտինը խաղաղություն կամ բովանդակալից խաղաղություն չի հաստատի մինչև մեր ընտրությունների արդյունքները տեսնելը», - ասել է պաշտոնյան:

Նշվում է, որ ԱՄՆ-ում մտավախություն ունեն, որ ընտրություններում նախկին նախագահ Դոնալդ Թրամփի հնարավոր հաղթանակը կարող է խաթարել Արևմուտքի աջակցությունը Կիևին: Թրամփը, որը հավակնում է վերընտրվել 2024 թվականին, ավելի վաղ խիստ քննադատել էր Ուկրաինային ամերիկյան աջակցությունը Ռուսաստանի հետ պատերազմում: