Ուկրաինայի ՊՆ-ն՝ Բուդանովի կնոջ թունավորման մասին
Ուկրաինայի պաշտպանության նախարարության գլխավոր հետախուզական վարչությունը հաստատել է, որ թունավորվել է ռազմական հետախուզության ղեկավար Կիրիլ Բուդանովի կինը։ Այդ մասին Ուկրաինայի պաշտպանության նախարարության հետախուզության գլխավոր վարչության ներկայացուցիչ Անդրեյ Յուսովը հայտնել է «Ազատության» ուկրաինական ծառայության լրագրողներին։
Նա կատարվածի վերաբերյալ մանրամասներ չի հայտնել։
Հիշեցնենք, որ ավելի վաղ Բաբելյան հրատարակության աղբյուրները հայտնել էին, որ Ուկրաինայի ՊՆ գլխավոր հետախուզական վարչության (ԳՈՒՎ) ղեկավար Կիրիլ Բուդանովի կնոջ մոտ բժիշկները ծանր մետաղից թունավորում են ախտորոշել։
Բաբելի զրուցակիցները պնում են, որ «այդ նյութերը ոչ մի կերպ չեն օգտագործվում առօրյա կյանքում կամ ռազմական գործերում»։
«Նրանց ներկայությունը կարող է վկայել կոնկրետ անձի թունավորման միտումնավոր փորձի մասին»,- ասել են աղբյուրները։
