Դատարանը հրապարակել է Մանվել Գրիգորյանի և նրա կնոջ գործով դատավճիռը
Դատարանը Մնացական Մարտիրոսյանի նախագահությամբ մեղավոր է ճանաչել Մանվել Գրիգորյանին առաջադրված մեղադրանքներում, իսկ Նազիկ Ամիրյանին դատապարտել 6 տարվա ազատազրկման՝ վերջնական պատիժ նշանակելով 5 տարի 11 ամիս, 27 օրվա ազատազրկումը:
Դատարանը, սակայն, Նազիկ Ամիրյանի նկատմամբ պատիժը ազատազրկման ձևով չի նշանակել այն պատճառով, հաշվի առնելով այն հանգամանքը, որ նա ազատամարտիկ է:
Վճռի օրինական ուժի մեջ մտնելուց հետո Մ․ Գրիգորյանից հօգուտ ՀՀ պետական բյուջեի կբռնագանձվի շուրջ մեկ միլիարդ ութ հարյուր միլիոն ՀՀ դրամ, 8 ավտոմեքենա, բացի այս՝ շուրջ 8 հազարի հասնող «Զինվորի բաժին» մակնշմամբ մթերք, հանդերձանք, դեղորայք կտրվի ԵԿՄ-ին, իսկ մի քանի տասնյակ հազարի հասնող զենք և զինամթերք կտրվի ՀՀ պաշտպանության նախարարության տնօրինմանը։ Դատարանի որոշմամբ այս գործով տուժողի իրավահաջորդ Հ. Թորոսյանին կվերադարձվի Վաղարշապատում գտնվող 1 բենզալցակայան։ Նազիկ Ամիրյանից կբռնագանձվի շուրջ հարյուր մեկ միլիոն երկու հարյուր հազար ՀՀ դրամ, իսկ նրա հաշիվները, շարժական, անշարժ գույքերը կմնան կալանքի տակ՝ մինչև դատավճռի կատարումը:
