«Սա ընդամենը կարճ դադար է, որից հետո ռազմական գործողությունները «ինտենսիվ ռեժիմով» կշարունակվեն»․ Իսրայելի պաշտպանության նախարար

Իսրայելի պաշտպանության նախարար Յոավ Գալանտն առաջիկա հրադադարը Գազայի հատվածում անվանել է «կարճ դադար», որից հետո ռազմական գործողությունները «ինտենսիվ ռեժիմով» կշարունակվեն առնվազն ևս երկու ամիս:

«Սա կլինի կարճ դադար, որից հետո կշարունակվեն ինտենսիվ մարտերը, և ճնշում կստեղծվի ավելի շատ առևանգվածներին վերադարձնելու համար: Սպասվում է ևս առնվազն երկու ամիս մարտեր», - ասել է Գալանտը: Ավելի վաղ հայտնի էր դարձել, որ Գազայի հատվածում ՀԱՄԱՍ-ի պատանդների ազատ արձակման համար մարդասիրական հրադադարը հետաձգվելու է մինչեւ նոյեմբերի 24-ը, թեեւ նոյեմբերի 23-ը նախատեսված էր։ CNN-ի աղբյուրը հայտնել է, որ հետաձգման պատճառն այն է, որ Իսրայելը դեռ չի ստացել ՀԱՄԱՍ-ի կողմից ազատ արձակված առաջին պատանդների անունները։ Իսրայելի պաշտպանության բանակը նշել է, որ այս գործընթացը բարդ է և տեղի կունենա մի քանի փուլով։ ՀԱՄԱՍ-ն ու Իսրայելը պայմանավորվել են Գազայի հատվածում քառօրյա հրադադարի մասին՝ իսրայելական բանտերում պատիժ կրող 50 իսրայելցի պատանդների և 150 պաղեստինցի կանանց ու երեխաների ազատ արձակման դիմաց։ Միջնորդը Կարմիր Խաչն է։