ՆԱՏՕ-ն հայտարարել է «ռազմական Շենգեն» ստեղծելու ցանկության մասին

Adrine Nidelyan 1 րոպե 105 դիտում

23.11.2023 20:41

ՆԱՏՕ-ի լոգիստիկայի և նյութատեխնիկական ապահովման միացյալ հրամանատարության ղեկավար Ալեքսանդր Սոլֆրանկը լրատվամիջոցներին ասել է «ռազմական Շենգեն» ստեղծելու իր ցանկության մասին, որի շրջանակներում դաշինքի երկրների զորքերը կկարողանան ազատ տեղաշարժվել, քանի որ ՆԱՏՕ-ի ուժերը բախվում են խոչընդոտների՝ ի դեմս մի շարք ազգային կանոնակարգերի, մարդկանց և զինամթերք տեղափոխելիս: Այդ մասին տեղեկացնում է «ՌԻԱ Նովոստի»-ին։

Սոլֆրանկն ասել է, որ կցանկանար տեսնել «ռազմական Շենգեն»՝ ազատ ռազմական անցման գոտի։ Նա նաև հավելել է, որ անհրաժեշտ է նախօրոք «հարթակ պատրաստել» հնարավոր ռազմական գործողությունների համար՝ ՆԱՏՕ-ի կանոնադրության հավաքական պաշտպանության մասին 5-րդ հոդվածի հնարավոր կիրառման դեպքում։