Էրդողանը` Գազայում մարդասիրական հրադադարի հաստատման պայմանավորվածության մասին

Գազայի հատվածում չորսօրյա մարդասիրական հրադադարի հաստատման պայմանավորվածությունը «դրական զարգացում» է։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, փոխանցում է ՌԻԱ Նովոստին: 

Նշենք, որ Էրդողանն այս մասին ասել է «Մեծ քսանյակի» առցանց գագաթնաժողովի իր տեսաուղերձում։

«Մենք ակնկալում ենք, որ այս քայլը կնպաստի կայուն զինադադարին և, ի վերջո, խաղաղության համաձայնագրի ձեռքբերմանը», - ասել է Էրդողանը։

Նշենք,  որ Գազայի հատվածում հրադադարն ուժի մեջ կմտնի նոյեմբերի 23-ին։ Այս մասին հայտնել է պաղեստինյան ՀԱՄԱՍ շարժման քաղբյուրոյի անդամ Աբու Մարզուկը։