ՏԵՍԱՆՅՈՒԹ. ՑԱԽԱԼ–ը գտել է Ալ Շիֆա հիվանդանոցի տակ ՀԱՄԱՍ–ի թունելների մուտքը. այնտեղ պահվել են ռազմագերիներ
Իսրայելի պաշտպանության բանակը ցույց է տվել Գազայի Ալ-Շիֆա հիվանդանոցի տակ գտնվող ՀԱՄԱՍ-ի թունելների մուտքը և տեսախցիկների կադրերը, որոնք ցույց են տալիս գերեվարված պատանդներին: Այս մասին գրում է Meduza–ն:
Նշվում է, որ մի քանի օր տևած որոնումներից հետո Իսրայելի պաշտպանության ուժերը Գազայի հատվածի ամենամեծ հիվանդանոցի՝ Ալ-Շիֆայի տարածքում հայտնաբերել են ստորգետնյա թունելների ցանցի մուտքը, որն օգտագործվում էր ՀԱՄԱՍ-ի զինյալների կողմից ապաստանի, տեղաշարժի և որպես զենքի պահեստ օգտագործելու համար:
Այն մասին, որ թունելներն անցնում են Ալ Շիֆա հիվանդանոցի տակով, ՑԱԽԱԼ–ը հայտնել էր, նաև նախքան բուժհաստատությունը վերահսկողության տակ առնելը, սակայն դրա փաստաթղթային ապացույց չկար:
Նոյեմբերի 19-ի երեկոյան Իսրայելի պաշտպանության նախարարության մամուլի ծառայության հրապարակած տեսանյութերը ցույց են տվել ոչ միայն ստորգետնյա թունելներ տանող հորը, այլև հիվանդանոցի տեսահսկման կադրերը, որոնք վկայում են այն մասին, որ բուժանձնակազմը տեղյակ է եղել շենքում պատանդների մասին։
