Գազայի հատվածի բոլոր հիվանդանոցները, որոնք դեռ ծառայություններ են մատուցում, կարող են փակվել, եթե վառելիքը չմատակարարվի երկու օրվա ընթացքում, ասել է Պաղեստինի առողջապահության նախարար Մայ ալ-Քեյլան:

«Եթե վառելիքը չմատակարարվի 48 ժամվա ընթացքում, Գազայի հատվածի բոլոր հիվանդանոցները կդադարեն գործել: Այս պահին 25 հիվանդանոցներ դադարեցրել են իրենց ծառայությունները վառելիքի բացակայության կամ գնդակոծության պատճառով: Հիմա կա գործող միայն 10 հիվանդանոց», - ասել է նա Al-Arabiya հեռուստաալիք: 

Ավելի վաղ Գազայի առողջապահության նախարարությունը հայտնել էր, որ Գազայի հատվածի հիվանդանոցները կարող են դադարեցնել գործունեությունը գեներատորների համար վառելիքի բացակայության պատճառով։