Ավտովթար Խորվաթիայի ՊՆ-ի մասնակցությամբ. կա զոհ
Խորվաթիայի պաշտպանության նախարար Մարիո Բանոզիչն այսօր բավական ծանր վնասվածքներ է ստացել ավտովթարի ժամանակ, որի հետեւանքով զոհվել է մեկ մարդ, տեղեկացրել է АР-ն։
44-ամյա Բանոզիչը մեքենայի ղեկին է եղել, որը բախվել է միկրոավտոբուսին: Միկրոավտուբուսի վարորդը մահացել է տեղում:
Խորվաթիայի կառավարության ներկայացուցիչ Մարկո Միլիչը հայտնել է, որ նախարարի կյանքին վտանգ չի սպառնում, չնայած նա լուրջ վնասվածքներ է ստացել։ Բժիշկներն ասել են, որ նա ունի գլխի եւ գլխուղեղի վնասվածքներ: Գիտակցության կորուստ չունի:
Ներկայում հետաքննությունն է սկսվել՝ պարզելու համար, թե ինչ է տեղի ունեցել։
