13-ամյա տղայի կրակոցի հետևանքով տուժել է 11-ամյա աղջիկ․ Ոստիկանությունից մանրամասնում են
Ախուրյանում այսօր արտակարգ դեպք է տեղի ունեցել։ Բնակավայրի 13-ամյա անչափահաս տղան ՏԻՐ տեսակի հրացանով կրակել է գետնին, ինչի հետևանքով մետաղյա փամփուշտը դիպչել է 11-ամյա անչափահաս աղջիկ երեխայի կրծքավանդակին։ Վնասվել է երեխայի թոքը։ Իրավապահները առգրավել են հրացանը։
Auroranews-ը դեպքի վերաբերյալ մանամասներ ճշտելու համար՝ զանգահարեց Ոստիկանության Շիրակի մարզային վարչություն։ Վարչությունում հաստատեցին, որ տվյալ դեպքը տեղի է ունեցել, սակայն այլ մանրամասներ չհաղորդելով՝ ուղղորդեցին Ոստիկանության լրատվական բաժին։
Կապ հաստատեցինք նաև Ոստիկանության լրատվական բաժին։ Մեզ հետ զրույցում Ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը նշեց, որ կա նման հաղորդում, փաստաթղթերը կազմված ուղարկվել են Քննչական կոմիտե։
«ՏԻՐ հրացան է եղել, երեխան կրակել է գետնին, պատահմամբ բեկորը կպել է կողքին կանգնած աղջիկ երեխային»,- մանրամասնեց նա։
