Գնահատվել է Մախաչկալայի օդանավակայանի վնասը՝ անկարգություններից հետո
Անկարգություններից հետո Մախաչկալայի օդանավակայանի վնասը գնահատվել է մի քանի միլիոն ռուբլի: Փոխանցում է ՏԱՍՍ-ը։
«Վնասվել են սարքավորումները, ենթակառուցվածքի օբյեկտները, կոտրվել են տեսախցիկները և ցանկապատերը»,- լրատվամիջոցին հայտնել Է օդանավակայանի տնօրեն Սաիդ Ռամազանովը։
Ռամազանովը նշել է, որ օդանավակայանի աշխատակիցներն ավելի շատ բարոյական վնաս են ստացել, քան ֆիզիկական:
Հիշեցնենք, որ զանգվածային անկարգություններ են տեղի ունեցել 29-ին Մախաչկալայի օդանավակայանում ՝ Մերձավոր Արևելքում իրավիճակի սրման ֆոնին Թել Ավիվից կանոնավոր չվերթի ժամանման պատճառով:
