Դժվար է հասկանալ, թե ում են պատվիրել վերադառնալ. Թուրքիայից Իսրայելի հայտարարությունների մասին
Իսրայելցի դիվանագետները, այդ թվում՝ Անկարայում դեսպան Իրիտ Լիլիանը, 10 օր առաջ լքել են Թուրքիան։ Այս մասին հայտնել է Թուրքիայի արտգործնախարարության աղբյուրը՝ ի պատասխան Իսրայելի արտգործնախարար Էլի Քոհենի հայտարարության, թե Թել Ավիվն անհապաղ հետ է կանչում իր դիվանագետներին՝ Իսրայելի դեմ Թուրքիայի նախագահ Ռեջեփ Թայիփ Էրդողանի կոշտ հայտարարություններից հետո։
«Թուրքիայում այժմ իսրայելցի դիվանագետներ չկան, նրանք արդեն լքել են մեր երկիրը: Հոկտեմբերի 18-ին մեր նախարարությանն ուղղված նոտայում ասվում էր, որ հոկտեմբերի 19-ին Թուրքիայից հեռանալու են անվտանգության նկատառումներից ելնելով: Դժվար է հասկանալ, թե ում է Կոենը պատվիրել վերադառնալ:
Թուրքիայի նախագահ Ռեջեփ Թայիփ Էրդողանը, ելույթ ունենալով շաբաթ օրը Ստամբուլում Պաղեստինին աջակցող բազմահազարանոց ցույցի ժամանակ, ասել է, որ Անկարան Իսրայելին պատերազմական հանցագործ կհայտարարի Գազայում կատարվածի համար։
Նույն օրը Իսրայելի արտգործնախարարը հայտարարել է, որ իր երկիրն անհապաղ հետ է կանչում իր դիվանագետներին Թուրքիայից՝ երկկողմ հարաբերությունները վերանայելու նպատակով։
