Եվրամիությունը կշարունակի միջնորդությունը Հայաստանի և Ադրբեջանի միջև բանակցություններում․ Միշել
Եվրամիությունը կշարունակի իր միջնորդական ջանքերը Հայաստանի և Ադրբեջանի միջև բանակցություններում: Այս մասին ասել է Եվրոպական խորհրդի ղեկավար Շառլ Միշելը՝ Բրյուսելում ԵՄ գագաթնաժողովից հետո կայացած ասուլիսում։ Տեղեկությունը փոխանցում է ՌԻԱ Նովոստին։
«Մենք քննարկել ենք իրավիճակը Հարավային Կովկասում։ Մենք հաստատակամորեն մտադիր ենք առաջ տանել ԵՄ միջնորդական ջանքերը՝ Ադրբեջանի և Հայաստանի միջև կարգավորման հասնելու համար՝ տարածքային ամբողջականության և ինքնիշխանության փոխադարձ ճանաչման հիման վրա»,- ասել է Միշելը:
Եվրոպական խորհրդի ղեկավարը հավելել է, որ ԵՄ երկրների առաջնորդները միակարծիք են Բրյուսելի միջնորդական ջանքերի հարցում:
