Եվրամիությունը 50 մլն եվրո կհատկացնի Գազային օգնելու համար
Եվրահանձնաժողովի ղեկավար Ուրսուլա ֆոն դեր Լեյենը հայտնել է, որ Եվրամիությունը ևս 50 միլիոն եվրո մարդասիրական օգնություն կհատկացնի Գազայի հատվածի բնակչությանը։
«Մենք լրացուցիչ 50 միլիոն եվրո կհատկացնենք մարդասիրական օգնության համար։ Ուրբաթ մենք 40 միլիոն եվրոյի պայմանագիր կկնքենք ՄԱԿ-ի գործակալությունների հետ: Եվ ևս 10 միլիոն եվրո կօգտագործվի Եգիպտոսով երկու թռիչքներով մարդասիրական օգնություն հասցնելու համար»,- ասել է նա:
Հակամարտության սրման սկզբից ի վեր ԵՄ-ն արդեն հատկացրել է 75 միլիոն եվրո մարդասիրական օգնություն Գազայի բնակչությանը, ինչպես նաև 56 տոննա օգնություն է հասցրել Եգիպտոսի տարածքով։
