Չնայած պատժամիջոցներին՝ Պուտինի կնքահայրը իտալական թանկարժեք նավ է ներմուծել ՌԴ

ՌԴ նախագահ Վլադիմիր Պուտինի կնքահայր Վիկտոր Մեդվեդչուկը 9,6 միլիոն դոլարով իտալական նոր նավ է ներմուծել Ռուսաստանի Դաշնություն։ Այս մասին գրում են ուկրաինական լրատվամիջոցները։ 

Այն անցել է ռուսական մաքսազերծումը և Պալաուի դրոշի ներքո մոտեցել է ռուսական ափերին։ 

Ferretti Group-ի 28 մետրանոց Pershing 9X արագընթաց նավն ունի չորս խցիկ՝ 8 քնելու վայրերով: Ընդհանուր առմամբ, նավը կարող է ընդունել մինչև 20 հյուր։ Այն գործարկվել է 2023 թվականին։

Մաքսային փաստաթղթերում զբոսանավի ստացողը «Ռենեսանս» ԲԲԸ-ն է, որի իրական սեփականատերը Մեդվեդչուկի կինը՝ Օքսանա Մարչենկոն է։ Ընկերությունը զբոսանավի «ժամանակավոր ներմուծում» է տվել, որն ազատում է մաքսատուրքից։

Նշենք, որ Վիկտոր Մեդվեդչուկը, որը Ուկրաինայում մեղադրվում էր պետական ​​դավաճանության մեջ, փոխանակվել էր «Ազով» ջոկատի ներկայացուցիչների հետ։

[d34363a4124b1ba146e171e93819b099.jpg]

[762faea6edde64af58d8d56d4cecf2d4.jpg]