Վրաստանում Նիկոլ Փաշինյանը հանդիպել է Ադրբեջանի վարչապետի հետ․ մանրամասներ

Հայաստանի Հանրապետության և Ադրբեջանի վարչապետներ Նիկոլ Փաշինյանը և Ալի Ասադովը հանդիպել են Թբիլիսիից ոչ հեռու գտնվող Մուխրանիում։ Տեղեկությունը հայտնում է Վրաստանի կառավարության մամուլի ծառայությունը։

Նշվում է, որ հանդիպումը տեղի է ունեցել Վրաստանի կառավարության ղեկավար Իրակլի Ղարիբաշվիլիի միջնորդությամբ։

Վրացական «Իմեդի» հեռուստաալիքի տեղեկություններով՝ երեք վարչապետների հանդիպումը տևել է մի քանի ժամ։

Հիշեցնենք` հոկտեմբերի 8-ին Վրաստանի վարչապետ Իրակլի Ղարիբաշվիլիի հետ համատեղ ճեպազրույցի ժամանակ Ադրբեջանի նախագահ Իլհամ Ալիևը հայտարարել էր, որ հնարավոր է Վրաստանում Հայաստանի հետ հարաբերությունների կարգավորման շուրջ երկկողմ և եռակողմ բանակցություններ անցկացնել:

[c1cb0d8ded9fb9cc44db4b7e30a0e98c.jpg]