Ինդոնեզիայում փլուզվել է հայտնի ապակե կամուրջը. կան զոհ և տուժած
Ինդոնեզիայում հայտնի ապակե կամուրջի փլուզման հետևանքով զբոսաշրջիկ է մահացել։ Այս մասին հայտնում են տեղի ԶԼՄ-ները։
Ողբերգությունը տեղի է ունեցել Բանյումաս տուրիստական շրջանում։ Անհայտ պատճառներով մարդկանց ոտքերի տակ կոտրվել է կամրջի ապակին։
Դեպքի պահին կամրջի վրա 4 մարդ է եղել, որոնցից երկուսին հաջողվել է փրկվել։ Մյուս երկուսը ցած են ընկել։ Մեկ կին մահացել է, մյուսը՝ ծանր վիրավորվել։
Ոստիկանները շրջափակել են կամուրջը։ Միջադեպի պատճառները պարզելու համար փորձաքննություններ կիրականացվեն։
