«Telegram»-ը սահմանափակել է մուտքը ՀԱՄԱՍ-ի պաշտոնական ալիք
«Telegram»-ը սահմանափակել է մուտքը ՀԱՄԱՍ-ի պաշտոնական ալիք։ Այս մասին ալիքը տեղեկացրել էր Android-ի օգտատերերին, փոխանցում է ՏԱՍՍ-ը։
Այժմ, երբ փորձում եք շարժական սարքից մուտք գործել ՀԱՄԱՍ-ի ալիք, հայտնվում է ծանուցում. «Մուտքը դեպի այս ալիք սահմանափակված է»:
Նմանատիպ ծանուցում է հայտնվում նաև, երբ փորձում եք ալիք մուտք գործել Apple սարքից:
Լրատվամիջոցը պարզաբանում է, որ արգելափակվել է նաև ՀԱՄԱՍ-ի ռազմական թևի՝ Ալ-Քասամ բրիգադների ալիքը։ Միաժամանակ շարժման խոսնակ Իզզաթ ալ Ռիշքայի ալիքը դեռ հասանելի է, ինչպես նաև ՀԱՄԱՍ-ի դաշնակիցների՝ Իսլամական Ջիհադի և Հեզբոլլահի ալիքները։
