Պեսկովը՝ Թրամփի այն մեղադրանքի մասին, թե Ռուսաստանը ԱՄՆ-ից գողացել է «սուպեր-պուպեր հրթիռ»

ՌԴ նախագահի մամուլի քարտուղար Դմիտրի Պեսկովը մեկնաբանել է ԱՄՆ նախկին նախագահ Դոնալդ Թրամփի խոսքերն այն մասին, որ Ռուսաստանը, իբր, ԱՄՆ-ից գողացել է «սուպեր-պուպեր հրթիռ»։

«Մենք ունենք մեր սեփական հրթիռը, հիանալի հրթիռ: Ես դժվարանում եմ ասել, թե արդյոք մեր հրթիռը տեղավորվում է պարոն Թրամփի՝ այն որպես «սուպեր-պուպեր» ընկալման մեջ: Բայց դա լավ հրթիռ է, որն աշխարհում դեռ նմանը չունի, և միակը չէ»,- լրագրողներին ասել է Պեսկովը, երբ խնդրել են մեկնաբանել ԱՄՆ նախկին նախագահի հայտարարությունները։

Ավելի վաղ հայտնել էինք, որ Թրամփը մեղադրել է Ռուսաստանին ԱՄՆ-ից «սուպեր-պուպեր հրթիռ» գողանալու մեջ։ «Այս հրթիռները սուպեր արագ են թռչում։ Ռուսաստանը գողացել է Բարաք Օբամայի վարչակազմի օրոք։ Վերջինս գողացել է գաղտնի գծագրերը և կառուցել է այն»,- ասել է ԱՄՆ նախկին նախագահը Նյու Հեմփշիրում աջակիցների հանրահավաքի ժամանակ: