Փաշինյանը ստացել Է Վատիկանի բարձրագույն պարգևներից մեկը
Հռոմի Ֆրանցիսկոս Պապը Հայաստանի վարչապետ Նիկոլ Փաշինյանին պարգևատրել է Վատիկանի բարձրագույն պարգևներից մեկով՝ Պիոս 9-րդ պապի Ասպետական Մեծ Խաչ շքանշանով, հայտնում է ՀՀ վարչապետի մամուլի ծառայությունը:
Նշվում է, որ պարգևը ՀՀ կառավարության ղեկավարին հանձնել է հանրապետությունում իր առաքելությունն ավարտած առաքելական նվիրակ արքեպիսկոպոս Ժոզե Ավելինո Բետանկուրը:
«Հայաստանի և Սուրբ աթոռի միջև կապերի ամրապնդմանը նպաստելու համար արքեպիսկոպոս Բետանկուրը վարչապետ Փաշինյանին է հանձնել Հռոմի Ֆրանցիսկոս պապի շնորհած Սուրբ աթոռի բարձրագույն պարգևներից` Պիոս 9-րդ պապի Ասպետական Մեծ Խաչ շքանշանը»,-նշված է հաղորդագրության մեջ:
