Խուճապի մատնվել պետք չէ․ Բաղդասարյանը՝ 100 000-ական դրամների փոխհատուցման մասին

Այսօր առավոտվանից Աշխատանքի և սոցիալական հարցերի նախարարության թեժ գծին բազմաթիվ զանգեր են ստացվել առ այն, որ 100 000-ական միանվագ դրամների վճարումները դադարեցվել են։ Այս մասին Կառավարության հումանիտար կենտրոնի ուղիղ եթերի ժամանակ ասաց վարչապետի մամուլի խոսնակ Նազելի Բաղդասարյանը։ 

Ի պաասխան զանգերի Բաղդասարյանը նշեց, որ գործընթացը կրում է շարունակական բնույթ։ 

«Շուրջ 95 հազար անձի գումարները վճարվել են։ Մյուս դիմումներն այս պահին մշակման և ուսումնասիրման թվում են, այդ թվում նաև անչափահասների դիմումները։ Այնպես որ խուճապի մատնվել պետք չէ, գործընթացը կրում է շարունակական բնույթ և հետագա վճարումները նույնպես կիրականացվեն»,-ասաց նա։

Նազելի Բաղդասարյանը նաև հավելեց․ «Արդեն նաև առաջիկա օրերին նախատեսվում է բնակարանների վարձավճարների և կոմունալ վճարների հետ կապված փոխանցումները, որի մասին մենք հավելյալ տեղեկություն կտրամադրենք»։