ՏԵՍԱՆՅՈՒԹ․ Գազայում բնակելի բարձրահարկ շենքի վրա ավիահարվածի պահը

Համացանցում հրապարակվել է տեսանյութ, որը ֆիքսել է Գազայում բնակելի բարձրահարկ շենքի վրա ավիահարվածի պահը։ 

Ինչպես տեսանյութը մեկնաբանում են մի շարք ալիքներ, ըստ երևույթին, բնակիչները նախապես ծանուցվել են ավիահարվածի մասին, քանի որ տեսանյութի հեղինակը տեսախցիկը նախօրոք ուղղել է դեպի շենք և սպասել, որպեսզի արձանագրի հարվածի պահը։

Հիշեցնենք` հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին: